(ភ្នំពេញ)

នាព្រឹកថ្ងៃពុធ ៤កើត ខែមាឃ ឆ្នាំខាល ចត្វាស័ក ពុទ្ធសករាជ ២៥៦៦ ត្រូវនឹងថ្ងៃទី ២៥ ខែមករា ឆ្នាំ២០២៣ នៅ ទីស្ដីការក្រុមប្រឹក្សាអភិវឌ្ឍន៍កម្ពុជា ឯកឧត្តម អ៊ឹម សួរ អគ្គលេខាធិការរង គណៈកម្មាធិការនីតិសម្បទា និងអភិវឌ្ឍន៍កម្ពុជា នៃក្រុមប្រឹក្សាអភិវឌ្ឍន៍កម្ពុជា (គ.ជ.នា/ក.អ.ក) បានដឹកនាំមន្ដ្រី គ.ជ.នា/ក.អ.ក ជួបប្រជុំពិភាក្សាប្រចាំឆ្នាំលើយុទ្ធសាស្រ្ដរបស់កម្មវិធីអាហារូបរណ៍សម្រាប់និស្សិតកម្ពុជាទៅសិក្សានៅប្រទេសអូស្ដ្រាលី ជាមួយលោក Andreas Zurbrugg អនុប្រធានបេសកម្មនៃស្ថានទូតអូស្ដ្រាលីប្រចាំកម្ពុជា និងសហការី ។ គោលបំណងនៃកិច្ចប្រជុំនេះ គឺដើម្បីពិភាក្សាលើលទ្ធផលនៃការជ្រើសរើសនិស្សិតកម្ពុជាទៅសិក្សានៅប្រទេសអូស្ដ្រាលីសម្រាប់ឆ្នាំ២០២៣ និង កំណត់ទិសដៅយុទ្ធសាស្រ្តសម្រាប់ជ្រើសរើសនិស្សិតកម្ពុជាទៅសិក្សានៅប្រទេសអូស្ដ្រាលីឆ្នាំ២០២៤ ។