(ភ្នំពេញ)

នាព្រឹកថ្ងៃសុក្រ ៤រោច ខែបុស្ស ឆ្នាំរោង ឆស័ក ព.ស.២៥៦៨ ត្រូវនឹងថ្ងៃទី ១៧ ខែមករា ឆ្នាំ២០២៥ នៅទីស្តីការក្រុមប្រឹក្សាអភិវឌ្ឍន៍កម្ពុជា, ឯកឧត្តម រ៉ិត វុទ្ធី អគ្គលេខាធិការ គណៈកម្មាធិការសហប្រតិបត្តិការអភិវឌ្ឍន៍កម្ពុជានៃក្រុមប្រឹក្សាអភិវឌ្ឍន៍កម្ពុជា (គ.ស.អ.ក./ក.អ.ក) បានទទួលជួបពិភាក្សាការងារជាមួយ លោក Shakeel Ahmad, តំណាងស្ដីទីកម្មវិធីអភិវឌ្ឍន៍សហប្រជាជាតិប្រចាំកម្ពុជា (UNDP) ។
គោលបំណងចម្បងនៃកិច្ចប្រជុំនេះ គឺពិភាក្សាលើការត្រៀមរៀបចំកិច្ចប្រជុំពិនិត្យវឌ្ឍនភាពប្រចាំឆ្នាំ២០២៤ របស់កម្មវិធីអភិវឌ្ឍន៍សហប្រជាជាតិប្រចាំកម្ពុជា (UNDP) នៃការអនុវត្តកម្មវិធីអភិវឌ្ឍន៍ប្រចាំប្រទេស (Country Programme - CP) ឆ្នាំ២០២៤-២០២៨ និងកំណត់អាទិភាពឆ្នាំ២០២៥ ដែលនឹងប្រព្រឹត្ដទៅនាថ្ងៃទី២៧ ខែមករា ឆ្នាំ២០២៥ ខាងមុខ។