(ភ្នំពេញ)

នាព្រឹកថ្ងៃពុធ ៤កើត ខែភទ្របទ ឆ្នាំម្សាញ់ សប្តស័ក ព.ស. ២៥៦៩ ត្រូវនឹងថ្ងៃទី២៧ ខែសីហា ឆ្នាំ២០២៥, នៅទីស្តីការក្រុមប្រឹក្សាអភិវឌ្ឍន៍កម្ពុជា លោកជំទាវ ផាណា វ៉ឺនីដា អគ្គលេខាធិការរងគណៈកម្មាធិការសហប្រតិបត្តិការអភិវឌ្ឍន៍កម្ពុជា នៃក្រុមប្រឹក្សាអភិវឌ្ឍន៍កម្ពុជា (គ.ស.អ.ក/ក.អ.ក) បានទទួលជួបពិភាក្សាការងារជាមួយលោកស្រី Sandra Martinovic លេខាទូតទី២ ទទួលបន្ទុកសហប្រតិបត្តិការអភិវឌ្ឍន៍នៃស្ថានទូតអូស្រ្តាលីប្រចាំប្រទេសកម្ពុជា អមដោយលោកស្រីបណ្ឌិត Prima Wulandari ក្រុមការងារអ្នកជំនាញតាមដាន និងវាយតម្លៃនៃកម្មវិធីអាហារូបករណ៍អូស្រ្តាលី។ កិច្ចប្រជុំនេះ ធ្វើឡើងក្នុងគោលបំណងដើម្បីពិភាក្សានិងស្វែងរកធាតុចូលក្នុងការកែតម្រូវ ព្រមទាំងលើកទិសដៅបន្តសម្រាប់ការអនុវត្តកម្មវិធីអាហារូបករណ៍អូស្រ្តាលីនៅកម្ពុជា។